«Бәйтерек» ұлттық басқарушы холдингі «Сбербанк Қазақстанды» сатып алу бойынша келіссөз жүргізіп жатыр.

Бұл мәліметті Ақпаратты Қаржы нарығын реттеу және дамыту агенттігінің төрайымы Мәдина Әбілқасымова растады.

Оның айтуынша, қазір «Сбербанк Ресей» ЖАҚ-тың еншілес ұйымы - «Сбербанк Қазақстанды» сатып алу талқыланып жатыр. Банкке Батыс елдері санкция салғандықтан, ол шетелдік валюталарда операция жасай алмайды. Шетелдік корреспондент-банктердегі шоттары жабылып, жаңа қаржыландыруды тарту мүмкіндігі шектеулі. Осыған байланысты «Сбербанк Ресей» өзінің еншілес ұйымын Қазақстанда сату туралы шешім қабылдады. 

«Бәйтерек" ҰБХ-ның жалғыз акционері - Қазақстан үкіметі. Оның құрамына «Қазақстанның даму банкі», «Отбасы банк», «Даму» ӨДҚ, «Қазақстандық тұрғын үй компаниясы», «Kazakh Export», «Қазына Капитал Менеджмент», «Аграрлық несие корпорациясы», «ҚазАгроҚаржы» АҚ кіреді.