×

Әкімдіктен 15 жыл қайыр күткен ауыл тұрғындары ақыры асфальтты өздері төсеп алды

Келесі кезекте көшені жарықтандыру жұмысы тұр

 Еркеғали Болатұлы 22.06.2022 | 15:22
фото: дереккөз

Алматы облысының Қарасай ауданына қарасты Абай ауылында екі көшенің тұрғындары бірігіп, өз күшімен асфальт төсеген. Бұл туралы ауыл тұрғыны әрі журналист Гүлвира Биғалиева мәлімдеді.

Гүлвира Биғалиеваның Абай ауылында тұрғанына 15 жылдай болған. Осы аралықта ауылдағы екі ұзын көшеге асфальт төселмепті. Журналистің айтуынша, көктем мен күз мезгілінде батпаққа айналатын жолдың жазда топырағы көтеріліп жатады. Бұл мәселені әкімдікке қанша айтса да, естір құлақ табылмаған, қояр құлық танылмаған. Содан кейін тұрғындар бірігіп, өз күшімен асфальт төсеп алып отыр.

«Екі ұзын көшеге асфальт төседік. 30 шақты отбасы бірікті. Арамыздағы үлкеніміз Айдос аға бас-көз болып, екі көшені асфальттап алдық.

Алматының іргесінде тұрсақ та, әкімдікке жолды жөндеу туралы өтініш айтқанымызға 15 жыл болыпты. Бірақ ауылымызға әкім болған адамдар жолды жөндемек түгіл, біздің сөзімізді тыңдаған емес. Айта-айта шаршаған соң, көршілер 50 мың теңгеден ақша жинап, асфальт төсеуді қолға алды.

Жігіттер жағы түнімен ұйықтамай, асфальт құйды. Осылайша, талай әкімге жалынып, жөндете алмаған жолды өзіміз жарқыратып қойдық», - дейді Гүлвира Биғалиева.

Осы орайда тұрғындар кеше асфальтталған көшенің қақ ортасына қой сойып, дастархан жайған. Келесі кезекте көшені жарықтандыру жұмысы тұр. Әкімдіктен қайран жоғын түсінген жұрт оны да өздері істеп алмақ.

Осы жаңалыққа қаныққан NUR.KZ тілшісі Қарасай аудандық әкімдігіне хабарласып, мәселенің мән-жайын анықтауға тырысқан. Алайда әкімдіктегілер телефон тұтқасын көтермепті.

Серіктес жаңалықтары

Сараптама

Павлодар қаласының әкімі өзінен 10 мың теңге сұраған студентке жауап берді

Әкім студентке 10 мың теңге беруге уәде етті
25.09.2022 | 08:55

«Бейнекамераға түсірмеуді өтінді»: Атырауға бір топ ресейлік келді

Пойыздан түскендердің ішінде астрахандық қазақтар да бар: 
25.09.2022 | 07:40

Алматылық әйелдің шотынан 5 мың доллар шешіп алған екі жігіт видеоға түсіп қалған

Банк қызметкерлері әйелге хабарласып, шотынан 5 мың доллардан астам қаражат шешілгенін айтқан
25.09.2022 | 06:30

Синоптиктер келесі аптада елордада қар түсетінін хабарлады

29 және 30 қыркүйекте күндіз 8 градусқа дейін жылынады, түнде алғашқы аяз түседі
25.09.2022 | 00:33