Оның ішінде 87 қандас Атырау қаласына қоныстанды
Атырау облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Еркебұлан Әбілқасымов жыл басынан бері өңірге 105 қандас қоныстанғанын мәлім етті.
Атырау облысына Өзбекстаннан – 87, Қытайдан – 4, Ресейден – 10, Түрікменстан мен Украинадан 2 қандас көшіп келген. Оның ішінде 87 қандас Атырау қаласына, 11 адам Жылыой ауданына және 7 адам Құрманғазы ауданына қоныстанды.
Жыл басынан бері өңірге тұрақты тұру мақсатында келген этникалық қазақтар қандас мәртебесін алды, - деді басқарма өкілі.
Айта кетейік, елімізге өз бетімен келген этникалық қазақтар қандас мәртебесін алу үшін өтінішті «Азаматтарға арналған үкімет» мемлекеттік корпорациясы КЕ АҚ Атырау облыстық филиалына барып бере алады.