Батыс Қазақстан облысы Полиция департаментінің баспасөз қызметі салынып жатқан құрылыс нысандардың бірінде ер адамның мәйіті табылғанын хабарлады.

Оқиға 19 маусым күні кешкісін Зачаган кентінде болған.

Кешкі сағат 21.41-де Е.Брусиловский көшесі, 42-мекенжайда орналасқан құрылыс орнынан 1972 жылғы ер адамның зорлықпен өлтірілген жансыз денесі табылды. Мүрде сот-медициналық сараптамаға жіберілді. Қазіргі кезде осы дерек бойынша ҚР ҚК 99-бабына («адам өлтіру») сәйкес сотқа дейінгі тергеу амалдары жүргізілуде. Оқиғаның мән-жайы анықталып жатыр, - деп хабарлады ведомство өкілдері.