×

Абай облысында автобус аударылып, 15 адам жарақаттанды

Жүргізуші рөлге ие бола алмай, көлік жолдан шығып кеткен

 Динара Амантай 20.06.2022 | 13:39
Фото: yk-news.kz

Абай облысында автобус аударылып, 15 адам түрлі деңгейде жарақат алды. Бұл туралы ШҚО Полиция департаментінің баспасөз қызметі хабарлады.

Ведомствоның мәліметінше, жол-көлік оқиғасы 19 маусым күні сағат таңғы 04.50-де болған.

«Алакөл-Семей» бағытында тұрақты қатынайтын «Setra-S» маркалы автобус Жарма ауданының тұсындағы жолда Семей қаласына қарай бара жатқан. 56 жастағы жүргізуші рөлге ие бола алмай қалып, автобус жолдан шығып кетіп аударылған. Жол апаты салдарынан екінші жүргізуші мен 13 жолаушы түрлі деңгейдегі жарақаттар алды, – делінген хабарламада.

Зардап шеккен азаматтардың барлығына медициналық қызмет көрсетіліп, автобус жүргізушісі ауруханаға жатқызылған.

Қазіргі уақытта аталған факті бойынша ҚР Қылмыстық кодексінің 345-бабы 2-бөлігімен сотқа дейінгі тергеу амалдары жүргізіліп жатыр. Бірқатар сот-медициналық сараптама тағайындалды.

Серіктес жаңалықтары

Сараптама

«Иесі қарапайым адам емес...». Өскеменде 6 жасар қызды алабай талап өлтірген

Мамандар оған бұралқы емес, иесі бар иттің шабуылдағанына сенімді
29.01.2023 | 14:05

Ақтаудың іргесінде бірнеше иттің өлексесі жайрап жатыр (ВИДЕО)

Жануарларды қорғаушылар мәселеге облыс әкімдігі мен полиция қызметкерлерінің назар аударуын сұрады
29.01.2023 | 12:35

Украина Қарулы күштері ресейлік 800 сарбазды жойып жіберді

Бахмут, Соледар және Вугледар (Угледар) елді мекендері үшін әлі кескілескен ұрыс қимылдары болып жатыр
29.01.2023 | 11:41