Өскемен қаласының жаңа әкімі Аяз атаға хат жазды
Өзіне денсаулық, шыдамдылық, мықты жүйке мен күш сұрады
фото: дереккөз
Өскемен қаласының әкімі Алмат Ақышов Аяз ата резиденциясына барып, оған хат жазды, деп хабарлайды Halyq Uni YK-news-ке сілтеме жасап.
Сонымен, қала әкімі Аяз атаға жазған хатында қала үшін желді күндердің көп болуын, су тасқынысыз көктемді, жемісті жыл мен жақсы жолдардың болуын тілеген. Ал өзі үшін Аяз атадан денсаулық, шыдамдылық, мықты жүйке мен күш сұрады.
Дегенмен әкім хатын жәшікке салмай кетті. Айтуынша, алға қойған мақсаттарға еш сиқырсыз жету керек.
Еске сала кетсек, Алмат Ақышов желтоқсан айының басында ғана Өскемендегі даудан кейін жаңа әкім болып тағайындалған еді.
