Шығыс Қазақстанда есірткі өсірген үш тұрғын түрмеге түсті

Қымбат Елтайқызы

Есірткі қылмысы азаймай тұр

фото: polisia.kz

Шығыс Қазақстан облысында есірткі заттарын егіп-өсірген үш тұрғын бас бостандығынан айырылды, деп хабарлайды Halyq Uni.

Polisia.kz мәліметінше, есірткі өсімдігін заңсыз өсіргендер 3,5 жылға дейін түрмеге тоғытылды.

Осы жылдың тамызында көліктегі полициясы департаментінің қызметкерлері ШҚО-да есірткі заттарын егіп, өсірумен айналысқан 3 адамнан тұратын топты ұстады. Олардың бірі – теміржолшы болып жұмыс істеген. Жедел-іздестіру іс-шараларын жүргізу кезінде заңсыз айналымнан 42 келі марихуана тәркіленді, – делінген ақпаратта.

Аталған дерек бойынша сотқа дейінгі тергеу жүргізілді. Өскеменнің №2 сотының үкімімен күдіктілер 3,5 жылға дейін бас бостандығынан айырудың түрлі мерзіміне сотталды.