Семейде 10 қабатты үй өртенді
6 адам құтқарылды
Фото: ТЖМ баспасөз қызметі
Семейде 10 қабатты үйден өрт шықты, деп хабарлайды Halyq Uni.
ТЖМ мәліметінше, оқиға Қашаубаев көшесі бойындағы он қабатты тұрғын үйдің бірінде болған. Онда қоқыс шахтасында өрт шыққан.
Өрт сөндірушілер келгенге дейін 24 тұрғын өз күшімен көшеге шықты. Мамандар баспалдақ маршымен 6 адамды эвакуациялады. Оның үшеуі бала.
Өрт сөндірілді, зардап шеккендер жоқ. Оқыс оқиғаның себебі анықталып жатыр.
Тұрғындарды жылыту үшін өрт орнына арнайы техника жіберілді.
