Роза Рымбаева «Абай облысының құрметті азаматы» атанды
«Абай облысының құрметті азаматы» медаліндегі айрықша белгінің өз мағынасы бар...

Қазақстан Республикасының еңбек сіңірген әртісі Роза Рымбаева «Абай облысының құрметті азаматы» наградасымен марапатталды, деп хабарлайды Halyq Uni Kazinform-ға сілтеме жасап.
Өңірдің ең жоғары наградасын осымен екінші мәрте табыстап жатырмыз. Бұл – елге адал қызмет етіп, құрметке бөленген, халықтың алғысы мен батасын алған жерлестерімізге арналған мәртебелі атақ. Марапат иелерінің әрқайсысы – өңірге, елге танымал, - деді Абай облысының әкімі Нұрлан Ұранхаев.
Сонымен, «Абай облысының құрметті азаматы» атағын алғандар:
- Қазақстанның Еңбек Ері, ҚР еңбек сіңірген артисі Роза Рымбаева;
- ҚР Ұлттық ядролық орталығының бас директоры Эрлан Батырбеков;
- Филология ғылымдарының докторы, профессор, ҚР Еңбек сіңірген қайраткері Арап Еспенбетов;
- «Samruk-Kazyna Construction» АҚ директорлар кеңесінің мүшесі Александр Милютин;
- «Зайтенов» шаруа қожалығының басшысы Ерлан Зайтеновке берілді.
«Абай облысының құрметті азаматы» медаліндегі айрықша белгінің өз мағынасы бар. Ондағы ақ түс тазалықты, әділдікті және шексіздікті көрсетеді. Көк – бейбітшіліктің, тыныштық пен жақсылықтың символы. Алтын түс байлық пен ұлылықты білдіреді. Белгінің ортасында жеті қырымен қоршалған Абай облысының контуры бейнеленген, олардың әрқайсысы оның дамуының негізгі бағыттарын: мәдениет, өнер, білім, ғылым, өндіріс, инновация және басқа да салаларды бейнелейді, - деп хабарлады өңір әкімдігі.