13 жылдан астам уақыт бойы жасырынып келген қылмыскер Жамбыл облысы ауылдарының бірінде құрықталды, деп хабарлайды Halyq Uni.

Polisia.kz мәліметінше, 2011 жылы Арқалық маңында бір тоннадан астам марихуана тасымалдаған қылмыстық топ қолға түсті. Операция барысында сегіз адам қамауға алынды. Бірақ күдіктілердің бірі жасырынып үлгерген. 

Іздеу жұмыстарын тоқтатпаған тәртіп сақшылары қаскүнемді құрықтады. Биылғы жылдың қарашасында ІІМ криминалдық полиция департаментінің қызметкерлеріне іздеуде жүрген адамның Жамбыл облысы ауылдарының бірінде екені туралы жедел ақпарат түсті, – делінген мәліметте.

Жүргізілген жедел–іздестіру іс-шаралары нәтижесінде күдікті қолға түсіп, уақытша ұстау изоляторына қамалды.