Шымкентте 20 адам эвакуацияланды
Қандай төтенше жағдай болғаны анықталды
Фото: Halyq Uni
Шымкентте ТЖМ қызметкерлері өрт кезінде 2 адамды құтқарды және 20 адамды эвакуациялады, деп хабарлайды Halyq Uni.
Еңбекші ауданы Әлімбетов көшесінде бес қабатты тұрғын үйдің екінші қабатында пәтерде өрт болды, деп мәлімдеді Төтенше жағдайлар министрлігі.
ТЖМ күштері жанып жатқан пәтерден 2 адамды құтқарып, жедел жәрдем бригадасына тапсырды. Сондай-ақ, баспалдақ маршымен 20 адам, оның ішінде 2 бала қауіпсіз жерге эвакуацияланды, – деп қосты ведомство.
Өрт 12 шаршы метр алаңда сөндірілді. Себебі анықталып жатыр.
