Мұндай жағдайлардың алдын алу керек, - деп мәлімдеді қалалық полиция департаменті
Алматыда бір топ адам намаз оқу үшін көшені жауып тастаған соң, полиция олардың үстінен тергеу жұмыстарын бастады, деп хабарлайды Halyq Uni қалалық ПД баспасөз қызметіне сілтеме жасап.
Орталық мешіт маңындағы жағдай бойынша Алматы қаласының полициясы тексеру жүргізіп жатыр. Тиісті шаралар қабылданады, - делінген хабарламада.
Басқарма жолды кез келген себеппен жабу жол қозғалысы ережелерін бұзу болатынын және ӘҚБтК 614-бабының талаптарына сәйкес жауапкершілікке әкеп соғатынын түсіндірді.
Мұндай фактілерге жол беруге болмайды. Мұндай жағдайлардың алдын алу керек, - деп мәлімдеді қалалық полиция департаменті.
Айта кетсек, бұл жағдай бір күн бұрын Медеу ауданында болған. Жол қозғалысы қауіпсіздігін үйлестіру жұмыстары бойынша азаматтардың шағымдарына қатысты оқиға орнына жеткен полиция қызметкерлері заңды түсіндіру жұмыстарын жүргізіп, адамдарды жол қозғалысы ережелерін қатаң сақтауға шақырды.
Өрескел жайттың видеосын мына сілтемеден көруге болады.