Жергілікті әкімдік мәліметінше, жыл басынан бері Астанада заңсыз айналымнан 300 келіден астам есірткі заттары тәркіленді, деп хабарлайды Halyq Uni.

Бас қалада уәкілетті органдар әкімдікпен бірлесіп, әсіресе жастар арасында есірткі қылмысына қарсы белсенді күрес жүргізіп жатыр. Жыл басынан бері елордада 400-ден астам есірткі қылмысы тіркелді. Бұл туралы коммуникациялар қызметінде өткен брифингте Астананың полиция департаменті есірткі қылмысына қарсы іс-қимыл басқармасының аға жедел уәкілі Әлия Қибатқызы айтты.

2024 жылдың 11 айында бас қалада 407 есірткі қылмысы тіркелген, соның ішінде 285 өткізу фактісі, сондай-ақ есірткінің синтетикалық түрлерімен байланысты 621 есірткі құқық бұзушылығы.

Заңсыз айналымнан 339 келі есірткі заттары, соның ішінде 20,8 келі синтетика тәркіленді.

Нашақорлыққа және есірткі бизнесіне қарсы күрестің 2023-2025 жылдарға арналған республикалық кешенді жоспары әрі мемлекеттік органдар мен жұртшылық барынша тартылған «Астана – есірткісіз қала 2023-2025 жылдарға арналған» бағдарламасы іске асырылып жатыр. Оның аясында уәкілетті органдармен нашақорлықтың алдын алуға және есірткінің заңсыз айналымы саласындағы қылмыстарды анықтауға бағытталған бірқатар іс-шара жүргізіліп жатыр, – деді спикер.

Құқық қорғау органдары мемлекеттік органдармен әрі ҮЕҰ-мен бірлесіп, 496 алдын алу іс-шараcын, соның ішінде акциялар, семинарлар, дәрістер, дөңгелек үстелдер, кездесулер, спорттық турнирлер, конкурстар өткізді.