Елордада пәтерде жалғыз қалған бүлдіршін құтқарылды
Ата-ана құтқарушыларды шақыруға мәжбүр болған
Фото: ТЖМ
Астанада құтқарушылар пәтерде жалғыз қалған 3 жасар баланы құтқарды, деп хабарлайды Halyq Uni.
ТЖМ мәліметінше, оқыс оқиға қаладағы көпқабатты тұрғын үйлердің бірінде болды. Бүлдіршіннің әкесі дүкенге шығып кеткенде баласы есікті ішінен байқамай бекітіп алған. Кейін оны қайта ашалмаған. Ата-ана 112 қызметіне хабарласуға мәжбүр болған.
Құтқарушылар арнайы құралдың көмегімен 9-қабатқа шығып, пәтерге балкон арқылы кірген. Осылайша, мамандар үйде жалғыз қалған бүлдіршінді құтқарды. Ол зардап шекпеген.
