Батыс Қазақстан облысында полицейлер кісі өлтірді деген күдікпен 31 жастағы ер адамды іздестіріп жатыр, деп хабарлайды Halyq Uni «Мой город» порталына сілтеме жасап.

Облыстық ПД баспасөз қызметінің мәліметінше, іздеу жарияланған күдіктінің аты-жөні – Данияр Мақсотов. Ол орта денелі, шашы қара, көзі қоңыр.

Күдікті азамат туралы көріп-білгендер болса, БҚО ПД-ның кезекші бөліміне 102, 8 705 747 99 99, 8 7112 98 45 30 телефондары арқылы хабарласуды сұраймыз, - делінген хабарламада.

Айта кетсек, биыл 5 ақпанда мессенджерлерде Абай полиция бөлімінен хабарлама таратылған болатын. Онда 3 ер адамның аса ауыр қылмыс жасағаны үшін іздеуде жүргені айтылды. Олардың арасында Данияр Мақсотовқа ұқсас адамның суреті де болған.

2024 жылдың 2 ақпанында Дәулеткерей көшесіндегі жеке сектордан зорлықпен өлім белгілері бар ер адамның мәйіті табылды. Сол кезде полицейлер қылмысқа күдікпен 3 ер адамның іздеуде жүргенін растады.