×

Елімізде медицина мамандарының тапшылығы артты

Сондай-ақ, дәрігерлердің үстінен түсетін шағым саны артқан

 Қанат Атаманов 15.06.2022 | 06:30
Фото: ашық дереккөздерден

Соңғы бес жылда елімізде медицина мамандарының тапшылығы екі есеге артып отыр. Бүгінде бос орындар саны 23,1 мыңға жеткен. Бұл туралы Есеп комитеті отырысы кезінде хабарланды.

Біріншісі – медицина кадрлары тапшылығының артуы. 2017-2021 жыл аралығында тапшылық екі есе – 10 мыңнан 23 мыңға дейін артты. Бүгінде осы мәселені шешу лауазымдарды біріктіру арқылы жүзеге асырылып отыр. Қазір толық емес жұмыс уақытының жалпы коэффициенті 1,5-тен 2-ге дейін өзгерді. Мұның бәрі медицина мамандарына үлкен жүктеме әкеледі, – деді комитеттің Экономиканың нақты секторына аудит жүргізу департаменті директорының орынбасары Нұрлан Катренов.

Шенеуніктің айтуынша, аудит қорытындысы бойынша бірқатар жүйелі проблема мен кемшілік анықталған. Сондай-ақ, дәрігерлердің үстінен түсетін шағым саны артқан. Спикер бұл жағдайды жоғары жүктемеге байланысты екенімен түсіндірді.

«Медициналық білімі бар мамандардың шетелге кетуі жиілегені байқалады. Соңғы 5 жылда олардың саны 5 мыңға жетті. Сондай-ақ, медициналық білімі бар мамандар қартайып жатыр. Бүгінде зейнетке дейінгі жастағы дәрігерлер шамамен 30 пайызға жетті», – деді Нұрлан Катренов.

Серіктес жаңалықтары

Сараптама