Астана қаласының полиция департаменті ауа райының нашарлауына байланысты азаматтарды жолда мұқият болуға шақырды, деп хабарлайды Halyq Uni.

Өткен тәулікте елордада 110 жол-көлік оқиғасы тіркелді. Жүргізушілерден өте мұқият болуды, белгіленген жылдамдық режимін қатаң сақтауды және автокөліктер арасындағы қауіпсіз қашықтықты сақтауды, сондай-ақ жаяу жүргіншілер өтетін жерде жылдамдықты алдын ала төмендетуді сұраймыз, - делінген хабарламада.

Сондай-ақ полицейлер жаяу жүргіншілерді де абай болуға шақырып отыр.

Жолдан өткен кезде көліктердің тоқтағанын күтіңіз. Жол қозғалысы қағидаларын сақтау – өміріңізді сақтаудың кепілі, - деп мәлімдеді ПД баспасөз қызметі.