Ақмола облысында 2 жасар бала дәретханаға құлап кетті
Бала оқиға орнында есін жимастан көз жұмды
Фото: Halyq Uni
Ақмола облысында далада тұрған дәретханаға құлаған екі жасар бала қайтыс болды. Бұл туралы Облыстық полиция департаментінің баспасөз қызметі хабарлады.
Қайғылы оқиға 14 маусым сағат 11:30 шамасында Бұланды аудандық ПБ кезекші бөліміне қарасты ауылдардың бірінде болған. Екі жасар бала жеке тұрғын үйдің ауласында тұрған дәретханаға құлап кеткен. Оқиға орнына полиция, ТЖМ қызметі, жедел медициналық көмек қызметкерлері барды, – делінген хабарламада.
ПД қызметкерлерінің мәліметінше, бала оқиға орнында есін жимастан көз жұмды.
