Қазір «Кибернадзор» ақпараттық жүйесі арқылы бұл топтарға кіру бұғатталған
СҚО-да Telegram мессенджері арқылы «аниме» жанрында өз-өзіне қол жұмсау бойынша тапсырмаларды орындаған екі жасөспірім анықталды, деп хабарлайды Halyq Uni.
Облыстық прокуратураның мәліметінше, балалардың заңды өкілдерімен профилактикалық жұмыс жүргізілген. Сондай-ақ екі жасөспірімге психологиялық көмек көрсетіліп, уәкілетті органдар оларды бақылауға алды.
Осы мессенджерден балалар суицидін тікелей насихаттайтын 8-ден аса заңсыз контент анықталды. Қазір «Кибернадзор» ақпараттық жүйесі арқылы бұл топтарға кіру бұғатталған. Уәкілетті органдар мен психологиялық қызметтер жұмысының тиімділігін арттыру үшін прокуратураның бастамасымен аталған мәселе бойынша практикалық іс-шаралар өткізілді. Атап айтқанда, қазан айында облыс әкімдігінің алаңында ауқымды практикалық семинар өткізілді. Онда облыстың білім беру мекемелерінің директорлары мен психологтарына суицидке бейім балаларды, оның ішінде әлеуметтік желілер мен мессенджерлерде анықтау бойынша жаңа ғылыми әдістемелер мен алгоритмдер жеткізілді, - делінген прокуратура хабарламасында.