Ұлытау облысында «Сапалы өнім» қоғамдық қозғалысы іске қосылды

Халық үні

Облыста тұтынушылардан 385 өтініш түскен

Фото: Ұлытау облысы өңірлік коммуникациялар қызметі

Ұлытау облысы өңірлік коммуникациялар қызметі алаңында «Ақпараттық қызметтер көрсету арқылы тұтынушылардың құқықтарын қорғау мәселелеру бойынша халықпен ақпараттық-ағарту жұмысы» тақырыбында брифинг өтті.

Брифингке Ұлытау облысы бойынша Сауда және тұтынушылардың құқықтарын қорғау департаменті басшысының орынбасары Жасұлан Дәулебаев пен Ұлытау облысының санитариялық-эпидемиологиялық бақылау департаментінің басшысы орынбасарының міндетін атқарушы Әсел Битаева қатысты.

Дәулетбаевтың айтуынша, биыл департаментке тұтынушылардың құқығы бұзылуына қатысты 385 өтініш түскен. Аталған көрсеткіштер бір жағынан тұтынушының таңдау деңгейінің артуын білдірсе, екінші жағынан кәсіпкерлік қызметтің өскенін көрсетеді. 175 шағым жедел желі және телеграмм бот арқылы түскен, 175-і Е-өтініш порталы арқылы, ал қалған 35 азаматтарды қабылдау кезінде айтылған.

Қазір шағымды e-tutynyshy сайтында тіркелу арқылы немесе е-otinish.kz ақпараттық жүйесі арқылы беруге болады. e-tutynyshy сайтында кәсіпкерлік субъектілеріне қолжетімділік беріледі, шағым мен проблемалық мәселелер сипатталады және тікелей тұтынушыға жіберіледі, - деді Дәулетбаев.

Қазір е-otinish.kz және Smart QR жүйесімен интеграция жүргізілді, платформаның мобильді нұсқасы әзірленді. Жобаның мақсаты – электрондық форматта өтініш беруді оңайлату, сондай-ақ тұтынушылардан бизнес өкілдеріне өтініштерді қабылдау, әртүрлі кезеңдерде өтініштерді шешу, салалар мен дау-дамай объектілері бөлінісінде тұтынушылардың шағымдарын қадағалау, талдамалық деректерді қалыптастыру және азаматтардың тыныс-тіршілігінің барлық салаларында мемлекеттік органдардың проблемалық мәселелерді анықтау үшін жүйені құру.

Биыл департаментпен электрондық шот фактураларға талдау жүргізіліп және Ұлытау облысы әкімінің өкіміне сәйкес құрылған Ұлытау облысы бойынша азық-түлік бағаларына баға белгілеудің бүкіл тізбегі бойынша делдалдық схемаларды тексеру жөніндегі комиссия қатысушыларының қажырлы еңбегінің арқасында, әлеуметтік маңызы бар азық түлік тауарына сауда үстемесінің мөлшерін негізсіз арттырғаны анықталды. 235 кәсіпкер әкімшілік жауапкершілікке тартылды.

Әлеуметтік маңызы бар азық түлік тауарларына заң бұзушылықтардың басым бөлігі сүзбе, күнбағыс майы, жұмыртқа, тауық еті, қант және макарон өнімдеріне анықталған.

Брифингте Сауда және интеграция министрлігімен «Сапалы өнім» қоғамдық қозғалысы іске қосылғанын атап өтті. Жобаның міндеттері – тұтынушылардың құқықтарын қорғау жөніндегі үкіметтік емес секторды, жергілікті атқарушы және өкілді органдардың, сондай-ақ кәсіпкерлік қоғамдастықтың өкілдерін ішкі нарықта отандық өндірушілер мен тұтынушыларды қауіпті және сапасыз өнімдерден қорғауды қамтамасыз ету жөніндегі жалпыұлттық мүдделерді іске асыруға, сондай-ақ парасатты бәсекелестікті дамыту үшін жағдайлар жасауға тарту.

Қазір «Сапалы өнім» қоғамдық қозғалысын іске асыру барысында жүйелі жұмыстар атқарылып жатыр. «Тұтынушылардың құқықтарын қорғау» қоғамдық бірлестіктің өкілдері «Сапалы өнім» тұжырымдамасының аясында сапасыз және қауіпті тамақ өнімдерін анықтау мақсатында облыс аумағында тұрақты түрде мониторинг жүргізіп отырады.

Департамент және оның аумақтық басқармасы халықты сапасыз өніммен қамтамасыз етуге бағытталған санитарлық-ағарту жұмыстарын жүргізді. Сондай-ақ осы бағытта біз Қазақстан заңнамасы шеңберінде жұмыс жүргізіп жатырмыз. Атап айтқанда Кәсіпкерлік кодекс, Өнімді бақылау сатып алу және жеке және заңды тұлғалардың өтініштері бойынша жоспардан тыс тексерулер бар. Өнімді бақылау шеңберінде санитариялық-эпидемиологиялық қызметінің мамандары азық-түлік пен азық-түлік емес өнімдердің сынамаларын алып, санитариялық-эпидемиологиялық зерттеулер жүргізу үшін аккредиттелген зертханаға жіберіледі. Зертханалық зерттеу қорытындысы бойынша сәйкес келмейтін өнім анықталған кезде бас санитарлық дәрігердің сәйкес келмейтін өнімді сатудан кері қайтарып алу немесе алып қою туралы қаулысы дайындалады және беріледі. Берілген қаулының орындалуын асырап алу үшін жоспардан тыс тексеру жүргізіледі және орындалмаған жағдайларда ӘҚМ қозғалады. Іс қозғалып, айыппұл салынады, - деп мәлімдеді Битаева.

Сондай-ақ жеке, заңды тұлғалардың өтініштері бойынша барлығы 22 жоспардан тыс тексеру жүргізілді. Оның ішінде 12 өтініш бойынша бұзушылық фактілері расталды, айыппұл салынды.