Соңғы күндері бірқатар өңірде ауа райы бұзылған болатын
Республикалық автожолдардағы ауа райы туралы мәлімет белгілі болды, деп хабарлайды Halyq Uni.
2024 жылғы 28 қазанда Ақмола, Ақтөбе, Абай, Павлодар, СҚО, Қарағанды, Қостанай, ШҚО және Ұлытау облыстарының кей жерлерінде қар аралас жаңбыр жауады. Ал Атырау және Батыс Қазақстан облыстарының кей аумақтарында жаңбыр жаууы мүмкін, деп мәлімдеді Қазавтожол.
Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз, – деп қосты ведомство.
1403 байланыс орталығына хабарласып, тәулік бойы қосымша ақпарат алуға болады.