Ақтөбе облысында 15 адам эвакуацияланды
Қандай төтенше жағдай тіркелгені анықталды
фото: ТЖМ
Ақтөбе облысының өрт сөндірушілері 15 адамды құтқарды, деп хабарлайды Halyq Uni.
Төтенше жағдайлар министрлігінің мәліметінше, бүгін Ақтөбе қаласы Әбілқайыр хан даңғылындағы 9 қабатты тұрғын үйдің 1 қабаттағы кіреберісінде балалар арбасы жанды.
ТЖМ күштері баспалдақ маршымен 15 адамды, оның ішінде 2 баланы эвакуациялады. Өрт сөндірушілердің жедел әрекеттерінің арқасында жалын әрі қарай тарамай, шағын алаңда сөндірілді, – деп қосты ведомство.
От болған жағдайда 112 деген нөмірге қоңырау шалыңыздар, деп ескертті мамандар.
