Алматы қаласында ІІ халықаралық қуыршақ театрлары фестивалі өтеді, деп хабарлайды Halyq Uni.

Алматыда 21-24 қазан аралығында ІІ Халықаралық қуыршақ театрлары фестивалі Almaty puppet festival – 2024 ұйымдастырылады. Биыл оған Қытай, Польша, Чехия, Болгария, Грузия, Түркия, Әзербайжан, Өзбекстан, Ресей, Башқұртстан мен Қазақстанның үздік театр ұжымдары қатысады, деп мәлімдеді жергілікті әкімдік.

ІІ Халықаралық қуыршақ театрлары фестивалі Almaty puppet festival – 2024 қала мәдениетінің маңызды оқиғасы болмақ. Сондай-ақ ол қуыршақ өнері шеберлері арасында тәжірибе және идея алмасу алаңына айналады, – деп қосты ведомство.

Фестиваль аясында түрлі ерекше қуыршақ кейіпкері бар қойылымдардан бөлек, танымдық шығармашылық кездесулер әрі шеберлік дәрістері де өткізіледі.