Оны музей ұжымына Мәдениет және ақпарат министрінің міндетін атқарушы Айзада Құрманова таныстырды
Берік Әбдіғалиұлы ҚР Ұлттық музейі директорының міндетін уақытша атқарушы қызметіне тағайындалды, деп хабарлайды Halyq Uni Мәдениет және ақпарат министрлігінің баспасөз қызметіне сілтеме жасап.
Мәдениет және ақпарат министрінің міндетін атқарушы Айзада Құрманова музейге арнайы барып, ұжымға Берік Әбдіғалиұлын таныстырды.
Еске сала кетсек, Қасым-Жомарт Тоқаев бірнеше күн бұрын Ұлытау облысының әкімі лауазымын атқарған Берік Әбдіғалиұлын қызметінен босатқан болатын.
Берік Әбдіғалиұлы 1971 жылы туған. Білімі жоғары. 1994 жылы әл-Фараби атындағы Қазақ Ұлттық университетін «Тарих және қоғамтану оқытушысы» мамандығы бойынша тәмамдаған.
Әр жылдары Президент жанындағы Қазақстанның стратегиялық зерттеулер институтында қызмет етті.