2024 жылдың 1 шілдесі мен 31 желтоқсаны аралығында Ішкі істер министрлігі Жоғарғы комиссар басқармасымен және БҰҰ-ның босқындар ісі жөніндегі агенттігімен бірлесіп, елімізде тұратын азаматтығы анықталмаған адамдарды анықтау және құжаттандыру бойынша акция өткізіп жатыр, деп хабарлайды Halyq Uni.

Polisia.kz мәліметінше, Шығыс Қазақстан облысы полиция департаментінің көші-қон қызметінің қызметкерлері бұған дейін үш азаматтың өмірін өзгертіп үлгерді. Солардың бірі – көптеген жыл бойы Өскеменде тұрып келе жатқан Павлодар облысының тумасы. 

20 жылдан астам уақыт бойы ер адам құжаттардың толық болмауына байланысты қиындықтарға тап болған. Өкінішке қарай, денсаулығына байланысты оны уақытында алуға мүмкіндік болмаған. Алайда, барлық қажетті анықтаманы жинаған тәртіп сақшылары жұмысының арқасында ол көптен күткен жеке куәлігін алды. Енді ер адам медициналық көмекке жүгініп, ресми жұмыс таба алады. Бұл жаңа өмірге алғашқы қадам жасалғанын білдіреді, – делінген ақпаратта.

ШҚО ПД көші-қон басқармасының қызметкерлері егер сізде 1974 жылғы үлгідегі КСРО паспорты, тек туу туралы куәлігіңіз болса немесе жеке басын куәландыратын құжаттарыңыз болмаса, Өскемен қаласы ПД көші-қон басқармасына дереу хабарласу керектігін еске салады.