×

Түркістан облысында полицейлер 51 шетелдікті елден шығарды

Олар кеурек өсімдігін қазумен айналысқан

 Дастан Жұмабекұлы 13.06.2022 | 11:18
Фото: Polisia.kz

Түркістан облысы Отырар аудандық полиция бөлімінің қызметкерлері Қарақоңыр ауылдық округіне қарасты далалық алқаптарда кеурек өсімдігін жинап жүрген 51 шетел азаматын ұстады.

Бұл туралы облыстық полиция департаменті хабарлады.

Олардың 31-і Өзбекстан, 17-сі Тәжікстан Республикасының азаматтары болып шықты. Тәртіп сақшылары шетел азаматтарын дереу полиция бөліміне жеткізіп, оларды ҚР ӘҚБтК-нің 517-бабы 5-бөлігі «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша елімізден шығарды.

Түркістан облысының полицейлері құқықбұзушылықты анықтап қана қоймай, шетел азаматтары мен оларға жұмыс берушілермен түсіндіру жұмыстарын жүргізуде. Сондай-ақ, бұл бағыттағы тексеру жұмыстары ары қарай жалғасатын болады.

Қазіргі кезде Түркістан облысының полицейлері заңсыз көші-қонды алдын-алу мен соны ұйымдастырушыларды анықтау мақсатында жүйелі жұмыс жүргізіп келеді.

Облыс аумағында жүрген шетелдіктер мен азаматтығы жоқ адамдарды анықтау жалғасып жатыр.

Серіктес жаңалықтары

Сараптама