Ол гидравликалық құралдың көмегімен шығарылды
Талдықорғанда жүк көлігінің астында қалған жігіт құтқарылды, деп хабарлайды Halyq Uni.
ТЖМ баспаасөз қызметінің мәліметінше, жүк көлігі жиырма жасар жаяу жүргіншіні қағып кеткен. Ол көліктің астында қалып, өздігінен шыға алмаған.
Оқиға орнына жедел барған құтқарушылар гидравликалық құралдың көмегімен ер адамды абайлап шығарып, жедел медициналық жәрдем қызметіне тапсырды, – делінген ТЖМ хабарламасында.
Құтқарушылардың жылдам әрі кәсіби әрекетінің арқасында апаттың салдарын барынша азайтуға мүмкіндік туды.