Олардың саны белгілі болды
Астананың білім беру ұйымдарында 27 мыңға жуық педагог еңбек етеді, деп хабарлайды Halyq Uni.
Жергілікті әкімдік мәліметінше, бүгінгі таңда қаланың білім беру ұйымдарында 26 944 педагог жұмыс істейді. Мұғалімдер күні қарсаңында ведомстволық наградаларға саланың 3500 үздік маманы ие болды.
Жаңа 2024-2025 оқу жылында елорданың білім беру ұйымдарына 2 262 педагог қабылданды. Оның ішінде 993-і жайлы мектептерге орналасты. Мұғалімдердің кәсіби мерекесі қарсаңында 3500 педагог ведомстволық наградалармен марапатталды. Қала педагогтері мынадай ерекше наградалармен марапатталды: «Қазақстанның еңбек сіңірген ұстазы» құрметті атағы, «Қазақстанның Білім беру ісінің құрметті қызметкері» төсбелгілері, «Астананың құрметті педагогі» төсбелгілері, алғыс хаттар мен грамоталар. Білім беру еңбегінің ардагерлері де назардан тыс қалмады, – делінген ақпаратта.
Білім беру ұйымдарының педагогтері мен басшылары тәжірибе алмасу және кәсіби құзыреттілікті арттыру жөніндегі халықаралық семинарларға, конференцияларға қатысу үшін шетелдік іссапарларға барады. Соңғы үш жылда мұндай сапарларда 300-ден астам адам болды. Олар АҚШ, Сингапур, Чехия, Корея, Өзбекстан, Грузия, Жапония, Түркияға барды. Іссапар қорытындысы бойынша «Шетелдік тағылымдама: кәсіптік әдіснаманы үйреніңіз, меңгеріңіз және дамытыңыз» тақырыбы бойынша оқыту семинарлары ұйымдастырылды.