Талғар қаласының әкімі болып Бақыт Күрішбеков сайланды. Талғар аудандық сайлау комиссиясының мәліметі бойынша, оған сайлауға қатысушылардың 23,77% дауыс берген. Бақыт Күрішбеков Талғар қаласында туған. 32 жаста. Мамандығы - экономист. Сайлауға дейін Amanat партиясы Талғар аудандық филиалының атқарушы хатшысы болып жұмыс істеген.

Талғар қаласы әкімінің лауазымына 4 үміткер таласты. Бақытжан Ақботаев сайлау қорытындысы бойынша 23,63% дауысқа ие болды, Нұрбек Даулетбақовты сайлаушылардың 17,84% қолдаған. Сапарбек Назарбаев 7,70% дауыс жинады.

218 сайлаушы бәріне қарсымын десе, бүлінген және дұрыс қолданбаған бланк саны - 93 болды.