Премьер-министрдің 2024 жылғы 27 қыркүйектегі «Ядролық физиканы (радиохимияны) дамыту жөніндегі кеңес құру туралы» өкіміне қол қойылды, деп хабарлайды Halyq Uni.

Ядролық физиканы (радиохимияны) дамыту жөніндегі кеңестің құрамы келесідей:

• Энергетика министрі, төраға;
• Ғылым және жоғары білім министрі, төрағаның орынбасары;
• Энергетика вице-министрі, хатшы;
• Парламент Сенатының депутаты;
• Ауыл шаруашылығы вице-министрі;
• Денсаулық сақтау вице-министрі;
• Көлік вице-министрі;
• Қаржы вице-министрі;
• Сыртқы істер министрінің орынбасары;
• Ұлттық экономика вице-министрі;
• Цифрлық даму, инновациялар және аэроғарыш өнеркәсібі вице-министрі;
• Экология және табиғи ресурстар вице-министрі;
• Үкімет аппаратының әлеуметтік даму бөлімінің меңгерушісі;
• «Президент іс басқармасы Медициналық орталығының ауруханасы» РМК Ядролық медицина орталығының басшысы (келісім бойынша);
• «Ұлттық ядролық орталығының» бас директоры (келісім бойынша);
• «Ядролық физика институтының» бас директоры (келісім бойынша).

Сондай-ақ кеңес туралы ереже де бекітілді.

Ядролық физиканы (радиохимияны) дамыту жөніндегі кеңес Үкімет жанындағы консультативтік-кеңесші орган саналады.

Кеңес қызметінің мақсаты – ядролық физиканы (радиохимия) дамыту саласындағы мемлекеттік саясаттың негізгі бағыттарын айқындау бойынша ұсыныстар мен ұсынымдар әзірлеу.

Кеңестің жұмыс органы – Энергетика министрлігі. Кеңестің отырысы қажетіне қарай өткізіледі.