Сарыағашта 1,5 млн теңгенің малын ұрлап, сатқан күдіктілер ұсталды, деп хабарлайды Halyq Uni.

Polisia.kz мәліметінше, сарыағаштық тәртіп сақшылары жайылымнан бір отар қойды қолды еткен екі күдіктіні құрықтады. Олардың бір түн ішінде мал жайылымынан 30-дан аса қойды көлікке тиеп әкеткені белгілі болды. 

Күдіктілер ұрланған қойларды 15-20 мың теңгеден сатып, ақшасын өз қажеттіліктеріне жұмсаған. Жәбірленушіге келтірілген шығын көлемі – 1,5 миллион теңге, – делінген ақпаратта.

Бұдан бөлек, полицейлер олардың дәл осындай мал ұрлығына қатысты 5 фактісін анықтады. Қазіргі таңда күдіктілер қамауда, сотқа дейінгі тергеу амалдары жүргізіліп жатыр.