Елорданың орталық саябағы халықаралық байқауда үздік деп танылды, деп хабарлайды Halyq Uni.

Қала әкімдігінің мәліметінше, «Хрустальное колесо» халықаралық байқауында Астананың орталық саябағы ең үздік ашық ойын-сауық және демалыс саябағы деп танылды.

Байқау Ресейдің Сочи курортындағы ойын-сауық және демалыс индустриясы мамандарының 33-форумының аясында өтті.

Астаналық саябақтың басты бәсекелесі Мәскеу ойын-сауық саябағы болды.

Біз бұл іс-шараға маусымның басынан дайындалдық. Елордамызды лайықты таныстыру үшін командамыз қызық шешімдер мен тың идеяларды ұсынды, - деді орталық саябақтың басқарушы компаниясының директоры Ғайни Хасенов.

Қазылар алқасы 6 жылда саябақта істелген жұмыстарға баға берді:

• Ойын-сауық аймағына тақырып қою;
• Аттракциондарды отбасылық-балалар және экстремалды деп бөлу;
• Гастроаллея.

Сондай-ақ биыл орталық саябақта «Жетінші аспан» және «Экстрим» сынды жаңа аттракциондар пайдалануға берілді.