Қалада қауіпсіздік шаралары қолға алынды
Шаһарда ТЖД-ның 100-ден астам қызметкері өрт қауіпсіздігі шараларын түсіндіре отырып, пешпен жылытылатын үйлерді аралайды, деп хабарлайды Halyq Uni.
Жергілікті әкімдік мәліметінше, мегаполисте «Қауіпсіздік үшін-бірге» және «Көмек қолы» акциялары жалғасып жатыр. Оның аясында Төтенше жағдайлар департаментінің қызметкерлері пешпен жылытылатын жеке сектордағы үйлерді аралап шығады.
Мемлекеттік өрт бақылау басқармасының бастығы Константин Канин атап өткендей, бұл жұмыс жылу беру маусымы қарсаңында халық арасында өрт қауіпсіздігі шараларын түсіндіруге бағытталған. Оның айтуынша, өткен жылыту маусымында тұрғын үй секторында 231 өрт болған. 6 адамның көміртегі тотығымен және тағы 5 адамның табиғи газбен улануы тіркелді.
Бірінші кезекте халықтың әлеуметтік осал топтарынан шыққан отбасылар, сондай-ақ жалғыз тұратын қарт адамдар тұратын үйлер қамтылады. Ерекше бақылауда бізде қатты отынмен жылытылатын 727 жеке үй бар. Бұл жұмысқа жеке құрамның 100-ден астам адамы жұмылдырылған. Үйлерді тексеру қорытындысы бойынша демеушілік қаражат есебінен көміртегі тотығы датчиктерін орнатамыз. Жалпы, 2018 жылдан бастап ХӘОТ санатындағы 1,4 мыңға жуық отбасы үйі көміртегі тотығы датчиктерімен жабдықталған, - деді Канин.
Маман көміртегі тотығымен уланудың алдын алу шараларына ерекше назар аударылатынын атап өтті. Өйткені, оны тек сенсорлардың көмегімен анықтауға болады.
«Көміртегі тотығы табиғи газ толық жанбаған кезде пайда болады. Оның түсі де, дәмі де, иісі де жоқ. Оны тек сенсорлар мен газ анализаторларының көмегімен анықтауға болады. Құрамында көміртегі тотығы бар ауаны 2-3 рет тыныстау улануға және одан да ауыр зардаптарға әкеледі», – деп қосты ол.
Көміртегі тотығымен улануды болдырмауға арналған негізгі ұсыныстар: