Қарағанды облысы Шахан кентінің әкімдігі қазандағы Республика күні мен желтоқсандағы Тәуелсіздік күніне қарамастан, Жаңа жылға дайындықты қыркүйектен бастап кеткен, деп хабарлайды Halyq Uni Azattyq Rýhy-на сілтеме жасап.

Нақты айтқанда, кент әкімінің аппараты мемлекеттік сатып алу сайтына тендер жариялап, Жаңа жылға қыркүйектің 16-сында дайындала бастаған.

Тендердің техникалық құжаттамасына сүйенсек, әкімдік өзі ұсынған 4,4 млн теңгеге биіктігі 8 метр шырша, «2025 жыл» деген жазу, мұздан биіктігі кемі 3 метр болатын Аяз Ата мен Ақшақардың мүсінін жасатқысы келген. Сондай-ақ жалт-жұлт еткен шамдар мен гирляндалар сатып алу көзделген.

Конкурсқа бас-аяғы 11 компания қатысып, ең аз баға ұсынған «QazStroy 2024» ЖШС жеңімпаз атанған. Лот 23 қыркүйекте жабылды.

Айта кетсек, Шахан кенті – Қарағанды облысындағы ең ескі елді мекендердің бірі. Қарағанды қаласынан 35 шақырым, Шахтинскіден 12 шақырым жерде орналасқан. Соңғы статистика бойынша, бұл кентте 9 мыңға жуық халық тұрады. Әкімі – Ғалым Өмірбеков.

2017 жылы, яғни осыдан 7 жылға жуық уақыт бұрын дәл осы Жаңа жыл түнінде Шахан кентіндегі тұрғын үйлердің біріндегі қазандық жарылып, 9 адам мерт болған еді.