Түркістан облысының тәртіп сақшылары аудан тұрғынынан марихуана тәркіледі, деп хабарлайды Halyq Uni.

Polisia.kz мәліметінше, Түркістан облысы полиция департаментінің ұйымдасқан қылмысқа қарсы күрес басқармасының қызметкерлері жедел-профилактикалық іс-шара аясында есірткіні заңсыз сақтау фактісін анықтады.

Сақшылар жедел-іздестіру іс-шараларын жүргізу кезінде есірткі заттарын сақтады деген күдікпен Мақтаарал ауданының тұрғынын құрықтады. Жедел уәкілдер күдікті тұрғынның үйін тінту кезінде сарайынан сіріңке қорабы мен қағаз орамаға салынған есірткіге ұқсас затты тапты, – делінген ақпаратта.

Тәркіленген заттың марихуана екені расталды. Салмағы – 150 грамм. Қазіргі уақытта күдіктіге қатысты сотқа дейінгі тергеу жүргізіліп, оқиғаның толық мән-жайы анықталып жатыр.