Синоптиктер 16 қыркүйектегі ауа райына болжамын жариялады. Соған сәйкес республика бойынша жел күшейеді, оңтүстікте шаңды дауыл болады, деп хабарлайды Halyq Uni.

Елдің солтүстігі, солтүстік-батысы, шығысы, орталығында найзағай ойнап, жаңбыр жауады. Солтүстікте, шығыста, орталықта, оңтүстік-шығыста таулы аймақтарында түнде және таңертең тұман түседі.

Шығыста, Абай облысы орталығында, Шығыс Қазақстан, Солтүстік Қазақстан, Ақмола облыстары солтүстігінде, Жетісу облысының таулы аудандарында 1-2 градус үсік жүреді.

Ақтөбе облысында, Ұлытау облысында, Жетісу облысының батысында, Батыс Қазақстан облысының солтүстігінде, солтүстік-шығысында, Қызылорда облысының солтүстік-шысында, солтүстік-батысында, Жамбыл облысының оңтүстік-шығысында, оңтүстік-батысында, Қарағанды облысы орталығында, Шығыс Қазақстан облысы оңтүстігінде, батысында,  Қостанай облысы оңтүстігінде жоғары өрт қаупі бар.