БҚО-да ірі жарылыстың алды алынды
Төтенше жағдай тіркелді
фото: ТЖМ
Батыс Қазақстан облысында жарылыстың алды алынды, деп хабарлайды Halyq Uni.
Бүгін Қаратөбе ауданы Шөптікөл ауылында гараж жанып, от жақын орналасқан жеке тұрғын үйдің шатырына ауысты, деп мәлімдеді Төтенше жағдайлар министрлігі.
Барлау барысында өрт сөндірушілер жалынға оранған құрылыстан 2 оттегі баллонын тауып, оларды суытып, қауіпсіз жерге алып шықты, – деп қосты ведомство.
Өрт сөндірушілердің күшімен 160 шаршы метр алаңдағы от толығымен сөндірілді. Зардап шеккендер жоқ.
