Шымкентте Өмірзақовтар әулеті тұрады. Осы ұрпақтан тараған ер азаматтар қарулы қызметті атадан балаға аманаттап, елге қызмет етіп келеді. Бүгінде осы әулеттен 25 құқық қорғау органы қызметкері шыққан, деп хабарлайды Halyq Uni.

Polisia.kz мәліметінше, бар ғұмырын ел тыныштығын, халық қауіпсіздігін сақтау жолына арнап, тынымсыз еңбек еткен милиция полковнигі, Ішкі істер министрлігінің құрметті ардагері Батырхан Өмірзақов – осы династияның бастауы. Ол ішкі істер органдарында 1958-1991 жылдар аралығында қызмет атқарған. Сондай-ақ, ол «Өлеңім, сырым менің, шыным менің», «Тарихқа тағзым», «Өткен күндерден қалған іздер», «Қанағат болған өлшемім» атты жеті бірдей кітаптың авторы.

Бұдан бөлек, Өмірзақ атадан тараған тағы 25 азамат өмірін халқымыздың тыныштығына арнап, ел үшін қызмет етіп келеді.