10 жыл ішінде Қазақстанда отбасы саны 1,5 миллионнан астамға өсті, деп хабарлайды Halyq Uni.

2021 жылғы Ұлттық халық санағының қорытындысы бойынша, отбасылар саны 5 578 947 құрады, деді мәдениет және ақпарат вице-министрі Евгений Кочетов.

2009 жылғы санақ деректеріне сәйкес, республикадағы отбасылар саны 4 022 388 құрады. Осылайша, бұл көрсеткіш 10 жыл ішінде 1,5 миллионнан астамға өсті, - деді спикер ОКҚ алаңында өткен баспасөз мәжілісінде.

Оның айтуынша, ажырасу санының төмендеуі байқалады: соңғы 5 жылда 48,6%-ға азайған. Сауалнама нәтижелері бойынша, қазақстандықтардың 95,4% отбасылық қарым-қатынасқа қанағаттанады. Қазақстандық отбасылардың басты құндылықтары: бір-біріне қамқорлық жасау, өзара сыйластық, қолдау көрсету, махаббат және балалар.

Сонымен қатар, әкелердің бала тәрбиесіне қатысуы артқан. Балаларды тәрбиелеу кезінде отбасылар көбінесе еңбекқорлық, адалдық, үлкендерді құрметтеу, өзін-өзі құрметтеу, басқаларды құрметтеу сияқты қасиеттерге назар аударады.