Қызылорда облысында голланд қарасорасын өсірумен айналысқан қылмыстық топ ұсталды, деп хабарлайды Halyq Uni.

Облыстық прокуратурасының үйлестіруімен Ұлттық қауіпсіздік комитеті қызметкерлері есірткі өсірумен айналысқан топты анықтады.

2022-2023 жылдары Қызылорда облысында қылмыстық топ голланд қарасорасын (марихуана) өсірген. Олар ұсталды. Тергеу барысында салмағы 1,5 тоннадан асатын есірткі тәркіленіп, 3 алқап жойылды, - деп жазылған облыстық прокуратура таратқан хабарламада.

Сот санкциясымен топтың 22 белсенді мүшесі қамауға алынды. Тергеу аяқталды.

Бұған дейін Балқашта голланд қарасорасы егілген алқап анықталғаны хабарланған еді.