Қонаев қаласының орталық алаңында Парижде өткен жазғы Олимпиада ойындарының жүлдегерлері Демеу Жадыраев пен Назым Қызайбай марапатталды. Салтанатты рәсімге Алматы облысының әкімі Марат Сұлтанғазиев қатысты, деп хабарлайды Halyq Uni inform.kz-ке сілтеме жасап.

Алматы облысының әкімдігі Париж Олимпиадасының күміс жүлдегері Демеу Жадыраевқа 3 бөлмелі пәтер мен 10 миллион теңгенің сертификатын табыстады.

Демеу Жадыраевтың алғашқы бапкері Жұмахан Тұрғанбековке және спортшының жеке бапкері Боранбек Қоңыратовқа 2 бөлмелі пәтер мен 2 миллион теңгенің сертификаты сыйланды.

Ал Париж Олимпиадасының қола жүлдегері Назым Қызайбайға демеушілер атынан 3 бөлмелі пәтер мен 2 миллион теңге сыйақы табысталды.

Сондай-ақ Париж Олимпиадасына Алматы облысының атынан қатысқан Әсем Орынбай, Эдуард Ещенкоға 2 миллион теңге қаржылай сыйақы берілді.