×

Елордада 25 миллион теңге жымқырған бас есепші сотталды

Бас бухгалтер ақшаны балаларды қолдау орталығынан ұрлаған

 Дәурен Ерболат 09.06.2022 | 10:37
Фото: zakon.kz

Нұр-Сұлтанда 25 миллион теңге ұрлаған бас есепшіге сот үкімі шықты, деп хабарлайды қалалық соттың баспасөз қызметі.

Сарыарқа ауданы №2 аудандық соты Балаларды қолдау орталығының бас есепшісі мен мердігерді ақша ұрлау дерегі бойынша кінәлі деп тапты. Бұл орталықта өмірде қиын жағдайда қалған балалар тәрбиеленген.

Орталықтағы А. есімді бас бухгалтер 2019-2020 жылдары азық-түлік жеткізу бойынша конкурста «Z» ЖШС-ға жеңіске жетуге көмектескен. Әйелдің мүддесін Н. есімді азамат, яғни оның бұрынғы күйеуі қорғаған. Олар тиісті азық-түлікті орталыққа жеткізбеген. А. және Н. есімді азаматтар жалпы 25 миллион 862 мың 132 теңге жымқырған, - деп жазылған сот таратқан хабарламада.

Қылмыстық кодекстің 189-бабы 4-тармағы 2-бөлігі бойынша мұндай қылмыс үшін 7-ден 12 жылға дейін бас бостандығынан айыру жазасы қарастырылған. Іс бойынша сотталғандардың жауаптылығы мен жазасын ауырлататын мән-жайлар анықталмаған.

Сотталушылардың кәмелетке толмаған 3 баласының болуы, әрі олардың 25 миллион 156 мың 51 теңге сомасында залалды өз еркімен өтеулеріне байланысты судья жазаны жеңілдеткен. Өтелмеген шығын сомасы – 301 мың 69 теңге.

«Сот залалды өз еркімен өтеуіне байланысты А. және Н. есімді сотталушыларды ұйымдарда бухгалтерлік есепті орындау және мемлекеттік сатып алуға қатысу құқығынан 5 жылға айырды. Олар Қылмыстық кодекстің 63-бабы бойынша шартты түрде 7 жылға сотталып, мүлкі тәркіленді. Сотталғандарға пробациялық бақылау орнатылды», - деп жазылған хабарламада.

Сот үкімі заңды күшіне енген жоқ.

Серіктес жаңалықтары

Сараптама

Алматыда жанармай құю бекетін тонаған адамдар ұсталды

Күдіктелер бетперде киіп, қолдарында шеге суырғыш пен балта ұстап, кассир мен күзетшіні қамап тастаған
02.12.2022 | 13:34

«Айдос Ербосынұлының комаға түсуіне бапкері кінәлі». Мұхит Амантаев нокаутқа түскен кәсіпқой боксшы туралы айтты

«AQ сөйле» жобасының кезекті қонағы - Qazaq boxing залының жаттықтырушысы Мұхит Амантаев
02.12.2022 | 12:55

Хаменова мен Рысқалиев сотқа апелляциялық шағым түсірді

Бақытгүл Хаменова соттағы соңғы сөзінде өзін ақтауды сұраған еді
02.12.2022 | 12:20

«Көбірек уақыт қажет болды». Павлодар облысының экс-әкімі екібастұздықтардан кешірім сұрады

Мамандар мен әріптестеріне мәселенің жедел шешілуін тілеп отыр
02.12.2022 | 12:18