Түркістан облысында полиция қарт тұрғыннан арқардың мүйіздерін тәркіледі, деп хабарлайды Halyq Uni.

Polisia.kz мәліметінше, Түркістан облысы ПД ұйымдасқан қылмысқа қарсы күрес басқармасының қызметкерлері 69 жастағы қарт адамды қару және оқ-дәрілерді заңсыз сақтағаны үшін ұстады.

Тәртіп сақшылары Бәйдібек ауданы тұрғынының үйін тінту кезінде, түрлі калибрлі 100-ге жуық патрон, 12 калибрлі тегіс ұңғылы мылтық, белгісіз жануардың мүйіздері мен алдын ала болжам бойынша арқардың еті, сондай-ақ басқа да заттай дәлелдемелерді тапты, – деп қосты ІІМ басылымы.

Қазіргі уақытта осы факт бойынша сотқа дейінгі тексеру басталып, тиісті сараптамалар тағайындалды. Оқиғаның барлық мән-жайын анықтауға бағытталған тергеу жүргізіліп жатыр.