Ұлттық құрылтай Ұлытау өңірінде өтеді – Ерлан Қарин
Басты міндеті – әлеуметтік консолидацияны одан әрі дамыту үшін идеялар мен қадамдарды әзірлеу
фото: ашық дереккөз
Ұлттық құрылтай 16 маусымда жаңадан құрылған Ұлытау өңірінде өтетін болды. Бұл туралы Мемлекеттік хатшы Ерлан Қарин мәлімдеді.
Оның айтуынша, жиынның басты міндеті – әлеуметтік консолидацияны одан әрі дамыту үшін идеялар мен қадамдарды әзірлеу.
«Консультативтік-кеңесші органның құрамында Парламент депутаттары, Қазақстан халқы Ассамблеясының, азаматтық қоғам мен саяси партиялардың өкілдері, кәсіпкерлер мен белгілі сарапшылар, сондай-ақ өңірлік қоғамдық кеңестердің мүшелері болады», - деді Ерлан Қарин.
