Биыл тамызда 4 өңірде құрғақшылық болады, деп хабарлайды Halyq Uni.

«Қазгидромет» РМК мәліметінше, тамызда Қазақстан аумағында атмосфералық ылғалдану жағдайы республиканың солтүстігі, солтүстік-батысы және шығысындағы жекелеген аудандарда бірқалыпты болады.

Вегетациялық кезеңде жауын-шашын тапшылығы байқалған Қостанай, Алматы, Жамбыл және Қызылорда облыстарының жекелеген аудандарында құрғақшылық болады деп болжанып отыр, - деп жазылған хабарламада.

Құрғақшылық төмендегі өңірлерде күтіледі:

• Алматы облысы Балқаш ауданының оңтүстік бөлігінде және Жамбыл ауданының солтүстік бөлігінде;
• Жамбыл облысы Мойынқұм және Талас аудандарында;
• Қызылорда облысы Қармақшы ауданында.