Астанада 15 жастағы қыз өрттен құтқарылды
Көпқабатты тұрғын үйде жиһаздар мен тұрмыстық заттар жанды
Фото: ТЖМ баспасөз қызметі
Елордалық өрт сөндіруші 15 жасар қызды құтқарды, деп хабарлайды Halyq Uni.
ТЖМ баспасөз қызметінің мәліметінше, бүгін Астананың Сығанақ көшесінде орналасқан көпқабатты тұрғын үйдің 10-қабатында жиһаздар мен тұрмыстық заттар жанған.
3-МӨСБ аға инженері Серік Рахимжанов 2009 жылы туған қызды өрттен құтқарды. Құтқарушылардың жедел әрекеттерінің арқасында өрт толығымен сөндірілді, – делінген ТЖМ хабарламасында.
Өрттен зардап шеккендер жоқ.
