Бүгін құрылысшылар кәсіби мерекесін атап өтіп жатыр
Құрылысшылар күні тамыздың екінші жексенбісі деп бекітілген
фото: Halyq Uni
Бүгін құрылыс саласының қызметкерлері өздерінің кәсіби мерекесін атап өтіп жатыр, деп хабарлайды Halyq Uni.
Құрылысшылар күні жыл сайын тамыздың екінші жексенбісінде тойланады. Құрылыс саласы – ел экономикасының маңызды секторларының бірі.
Орталық коммуникациялық қызметі ұсынған статистикаға сәйкес, қазіргі уақытта 53 мың компанияда шамамен 648 мың құрылыс саласының маманы жұмыс істейді. Олардың қатарында сәулетшілер, инженерлер, дизайнерлер, сырлаушылар, сылақшылар, әрлеушілер, бетоншылар, тас қалаушылар мен тағы басқа мамандар бар.
