Бұл мерекені бүкіл ел атап өтіп жатыр
Абай күні Астанада қандай іс-шаралардың өтетіні белгілі болды, деп хабарлайды Halyq Uni.
Қалада ұлы ақын, ағартушы Абай Құнанбайұлының туған күніне орай ғылыми конференциялар, мектептерде тәрбие сағаттары, викториналық ойындар және басқа да 70-тен астам түрлі іс-шара ұйымдастырылады, деп мәлімдеді жергілікті әкімдік.
Абай күніне арналған мереке 10 тамыз күні 9:00-де Абай ескерткішіне гүл шоқтарын қою рәсімінен басталады. Сағат 11:00-де Қаламгерлер аллеясында «Абай рұханияттың алтын қазығы» атты әдеби-сазды кеш өтеді, – деп қосты ведомство.
Сағат 11:00-де Журналистер саябағында «Алдымда ақын Абай - Темірқазық!» атты әдеби кеші ұйымдастырылады. Ал сағат 20:00-де Есіл өзенінің жағалауында, дәлірек айтсақ Арбатта Абай әндерін насихаттау мақсатында «Домбыра party» өтеді.
Сонымен қатар, Арбатта Абайдың өмірі мен шығармашылығына байланысты викториналық ойындар ұйымдастырылады. 14 тамыз күні Ұлттық академиялық кітапханада «Ұлылар мекені...» экспедициясының қорытындысы бойынша ғылыми конференция өтеді деп жоспарланып отыр.
Бұған дейін елімізде Абай күніне орай 500 іс-шара өтетіні жайлы жазған едік.