Белгілі әнші Мақпал Жүнісова өзінің Instagram-дағы парақшасында марқұм жұбайы Заманбек Нұрқаділовпен түскен мұрағаттық суреттерді жариялап, жұрт алдында жан сырын ақтарды.

Әншінің желіге жүктеген видеосынан ерлі-зайыптының саяхаттарда, түрлі жиындарда жүрген сәттерін көруге болады.

«Кеңсайдағы қазақтың біртуар аға-апаларымыздың зираттарын аралап, қол жайдық. Зәкеңнің басына да бардық. Жаны жаннәттан болсын, Мақпал апай», «Заңғар ағамыздың жатқан жері жайлы болсын», «Мақпал ханым, сізге мықты денсаулық тілеміз. Мерейдің рахатын көріңіз», - деп жазды тыңдарманы.

Көпшіліктің толассыз пікірінен кейін Мақпал Жүнісова марқұм Заманбек Нұрқаділовтың өліміне қатысты ойын айтты.

Сол хайуандардың атын айтып, халыққа шындығын ашатын күнді көріп кетсем екен. Өткен күн оралмайды, - деп жазды әнші.