Б.Момышұлы даңғылының учаскесінде жөндеу жүргізіледі, деп хабарлайды Halyq Uni.

Астана қаласының Көлік және жол-көлік инфрақұрылымын дамыту басқармасы Тәуелсіздік даңғылынан бастап Қ.Сәтпаев көшесіне дейінгі учаскеде Б.Момышұлы даңғылында жолдің үстінгі қабатын салу бойынша жұмыс жүргізеді, деп мәлімдеді жергілікті әкімдік.

Көрсетілген учаске осы жылдың 3-5 тамыз аралығында толығымен жабық тұр. Бұл ретте көлік қозғалысы іргелес көшелер бойынша ұйымдастырылады, – деп қосты ведомство.

Қала тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.

Бұған дейін Тұран даңғылының бірнеше күнге жабылғаны жайлы жазған едік.